 Gesprochen von Zengraf Peter |
Die RentnərJohann Lulay |
Bilder aus Guttenbrunn
Adam Müller Guttenbrunn und "Der gute Brunnen" 
Geburtshaus A.M.Guttenbrunn 
Kirche 
Dorfansicht 
Bei der Ernte 
Mädchen und Frauentracht 
Brautpaar um 1935/ Kirchwihpaar um 1930 
Bauernfamilie um 1920 
Theatergruppe um 1930 
Kirchweihumzug 1960 / 1973 
Kirchweihpaare 2005 
Friedhof |
Wie's am oltə Rentnər geit , er liewə Leit, Will ich eich vərzeilə : Der hot bekanntlich , nie kə Zeit. Wann'd noot maascht jetz hoscht dai Ruh Kimmt jeden Toog , noch meinər dəzuu Gəbrodlt wert's mit aam , də ganze Toog Waascht nimmi wie d's am beschtə mächscht, des is a Plog. " Heb erscht gsaugt , hoscht schun widər Riwl uf də Erd ! " Dai Hen'n sin papich , die Schlinkə all vərschmeert , Dai frischgəwäschənəs Hem is schun in allərfrieh vərsudlt. Hockscht an dem bleidə Fernseher , mach ən leisər , der tudlt . Des Hemm ziegscht au , des do ziegscht aus , des paßt zu deim Ouzug nit dəzuu . Dai Vogl fliegt fart - mach dai Hosəteerchl zu ! Guck dich mol in Spigl , kennscht dich wann mər fartgeit schleechtə Gstutzt mischt aa mol wen - dai Haar konscht schun bal fleechtə. Gei dai vərschmeertə Hänn mol wäschə , bischt noch immər nit balwiert ? (Konnscht machə wos'd wit ,- wert immər nar staliert.) Stell in die Mikrowelle die Friesticksmillich Semml , Aməleetəschmeer un Maxwell Kaffee den will ich . Də Kaffeeleffl leig nit sou hie - den muscht abschleckə, Wal uf əm Tischtuch - git's schunscht braunə Fleckə . In də Kich muß ich schun widər putzə , an allnə Teern sin dai Fingərn drou. Mach doch unnə am Aluminium uf - du phackscht immər alləs au . Jetz geischt zum Aldi - ich brauch an Kääs , Saloot un Gschmand Konnscht mim Bizikl faan , un aulossə dai Wertoogsgwand. Kaaf joo kan Raki , Bier , Likör odər Woi Sunscht schlääfscht mər widər oowəds am Fernsehər oi , Geischt noch zum Doktər un mechscht mər an Termin – recht bal Wal mai Kolesterin Tablettn sin schun widər all . Des treichscht jetz far zack und pack Des kimmt in Müll un des in geelə Sack Des Krienzaig vun də Supp un Gakummən , far də Böffsaloot vərhackə Noot geischt in Kellər braadə Phannəkuchə backə Hochizchkuchə muscht aa noch machə – mər kriegə marjə Gäscht Oocht gewə - mach də Taig nit widər zu fescht ! Tou alləs nai Vanill , Zitroon un Rum an Schuß Un fai gəmohləni Muskatnuß Longbrußmich söll är wen - sieß un lick Mit am Aig konnscht än ainschmeen , ewər nit zu dick ! Hoscht schun də Tisch gədeckt ? Limo un Wassər hinn ? Waarsch im Briefkaschtə schun ? Ich maan dart is wos drinn , Tuscht noot də Auto 'raus - mer misse im Markauf Wassər houlə un Höllərwai Tou die leerə Kischtə un die Plastikflaschə in dain Auto nai. Du stinkscht schun widər nooch Knowlich - hauch joo niemand ou ! Geb oocht im faahn - nit sou nooh an fedərn Auto drou . Mei Henn sin kolt , mach gschwind die Heizing ou . Am Parkplatz oukummə " Du bleibscht doo - ich houl a Wegl ! Waascht noch wos mər kaafə missə , wou hoscht də Zedl ? " " Ich muss an alləs denkə " , seicht sə " far dich aa noch dəzuu." Tumml dich ! Mer missə gschwind Haam – mach dai Hemmərkneppl zuu ! Oft wann's mər als zu dumm werd geih ich gschwindt in main Kellər . Set konn ich possln wos ich will , red't mər niemand nai , die himmlisch Ruh , Zu Essə heb ich aa - kennt mər ah kochə , heb alləs nar kan Tellər Ess ich halt aus əm Raindl , Bier odər Woi heb ich , trink ich aa dəzu. Kumm ich noochher ruff , heiər ich sə schun soogə "Die kummə die Tonnen houlə – muscht's Popier 'naus troogə Kumm gschwind zrick , Kartoffl scheilə un's Flaasch noch kloppə Ich muss noch gschwind dai vərressənə Strimp stoppə . Die – wos d'jetz ou hoscht - sin schun widər schepp - zieg sə nuf A Zwiwl muscht im Kellər reischtə , bisl Solz tuscht a druf Mach alləs hinəwedər uf ! Sunscht kimmt də Gstank noch ruff " Oowəd's im halwər elfə is Zeit zum schloofə gein – mim Fernseh'n is jetz Schluß „Reib main Buckl ai mit Voltaren ich heb an Hexəschuß Dai Knie konnscht aa glai einreiwə – dai Henn sin ei schun fettich Noot geischt se wäschə – mach dai Bett net fettich ! " Die Weiwər hewə sich halt geiər uns vərschwaan , mer sin die gudə Oltə Un das mər nit zu faul wen , wollə sə im Trapp uns holtə. Sie soogə : " Wam mər nimi sein vərstickt dər all im Dreck Dann fressə aich die Leis – noot seid dər jo aa bal weg . " Weiər dem gewə mər jo oocht daß sə uns erholtə bleiwə Wall allaa is aa nix – selə se uns liewər noch lang durchənannər treiwə . Seegə mər ' ai – folgə mər halt weidər – als gudər Oltər konnsch nix machə Wann d'lang lewə witt als Rentnər , hoscht halt nix zu lachə Schiksalhaft is far uns die täglich Werklichkeit Als Rentnər werscht sou vollbeschäftigt - hoscht far nix kə Zeit . |