Gesprochen von Porst Anton |
Die RentnəNach Johann Lulay |
Ansichten von Glogowatz
Kirche 
Friedhofkapelle 
Friedhof 
Dorfansichten vom Schererturm 
Beim Schlachten 
Bei der Ernte 
Bademode der 30ger Jahren 
 Kirche in Micalaca 1932 und 2007  Kriegsgefangene des Ersten Weltkrieges in Turkmenistan 
Kirchweihpaar um 1930 Jugendtracht um 1910 |
Wie´s əm aldə Rentnə geht , ihr liewi Leit , Willi Enk vəzähle: Der hat , wie mə was , nie Zeit. Wannt maanscht du hascht dei Ruh Kummt alli Tag , noch mehr dəzu Gəprotzlt werd's mit aam , die ganz Zeit Waascht nimmi wie's am beschtə machscht , ihr liewi Leit „Hab erscht gsaugt , hascht schun widə Bresl uf də Erd!“ Dei Händ sin pikət die Tirdrukər alli vəschmiert, Dei frischgəwaschənəs Hemət is schun in allə Fruh vəsudlt Hockscht vor'm bledə Fernseh , mach'n städər der tudlt. Des Hemət ziegscht aa , des do ziegscht aus, des paßt net zu dein Gwand dəzu . Dei Vogl fliegt fort - mach's Hosətärl zu ! Schaudi mol in Spigl aa , kenntscht dich wammə fort gehn richtə Gschäärt mischt aa mol werrə , dei Hoor kanscht schun bal flechtə . Geh dei vəschmierti Händ mol waschə , bischt noch nanet palwiert? Kannscht machə wascht wilscht s'wert alliweil ner schtaliert . Stell in die Mikrowellə die Fruhstucksmilich Semml , Aprikosəquetschəmus un Kaffee will ich . Den Kaffeeleffl net so hielegə - den muscht abschleckə , Schunscht gebts ufm Tischtuch - brauni Fleckə . In də Kuchl mußi aa schun widə putzə , iwəral sin dei Fingrə draa . Pack doch die Schubladə an Griff aa . Jetz gehscht zum Aldi - ich brauch Käs , Salat und Gschmand Kannscht mit'm Bizigl fahrə un anlassə dei Wertagsgwand. Kaaf jo kan Schnaps , Bier, Likör oder Wei Schunscht schlofscht mə widə owəds beim Fernsehə ei. Gehscht nochher zum Doktə , ich brauch an Termin Ich maan ich hab schun widə zu viel Cholesterin . Des bringscht her zack und pack Des kummt in də Müll un des in də geelə Sack S'Grienzeich vun də Supp un die Umorkə far'n Böffsalat vəhackə Un nochher, gehscht in Kellər Pfannəkuchə backə Awər Sundagsskuchə net vəgessə – morgə krigmə Gäscht. Ufpassə mach den Taag net widər zu fescht ! Tuu alləs nei : Vaniliə , Zitronə un Rum an Schuß Un a ə bisl feihgriwəni Muskatnuss. Langbreslich - sieß un luck sollə werrə Mit an Ai kannscht'n einschmierə , na schmecktə aa də Herrə Hascht schun də Tisch gədeckt ? - Limo un Wassər hie ? Worscht schun beim Briefkaschtə ? Ich maan dart is was drinn , Fahrscht nochher 's Auto raus mir miss'n vum Marktauf Wassər holə un Wei Tuu die leeri Kischtə un die Plastikflaschə ins Auto nei . Du stinkscht schun widər noch Knofl - hauch jo niemand aa ! Pass uf bein Fahrə - fahr net so nochət an də fotrə Auto draa . Mir is kalt , mach gschwind die Heizung aa . Am Parkplatz aakummə "Du bleibscht doo - ich hol ə Wegələ ! Waascht noch was mə kaafə missn , wu hascht 'n die Eikafzetlə ? " Sie sagt : " Ich muß an alləs denkə , far dich aa noch dəzu ." Tumm'l dich ! Mir missn gschwind Haam – mach dei Hemətknepf zu ! Oft wann mə's zu dumm wert gehi in mei Kellər . Dart kanni peschtlə wasi will , rett kaa Mensch rei , die himmlischi Ruh. Zu Essə hawi aa , kennt mə aa was kochə , hab alləs nur kan Tellər . Essi halt aus'm Reindl , Bier odə Wei hawi aa , trinki aa dəzu . Kummi nochher ruff, heri sie schun sagə "Die kummən die Tonnə holə – muschts Papier naus tragə Kumm awər gschwind zurick , du muscht Krumbierə schälə un 's Fleisch noch klopfə . Ich , muß noch gschwind dei vərissəni Strimpf stopfə . Die - wascht jetz aa hascht sin schun widə drunnə - zieg sie nuf . Die Zwiefl muscht in Kellər reeschtə , ə bisl Salz tuscht aa druf Mach nochher alləs uf ! Schunscht kummt də gansi Gstank noch ruf " Owəds um halwə elfi is Zeit zum schlofə gehə – mit'm Fernsehə is jetz Schluß „Reib mə mei Puckl mit Voltaren ei ich hab'n Hexəschuß. Die Knie kanscht aa eireiwə – dei Händ sin eh schun fett Nochher gehscht sie waschə – schunscht vəschmierscht noch s'Bett ! “ Die Weiwə hen sich halt gegə uns vəschworə , mə sinn halt die gudi Aldi Un das mə net zu faul wern , welln sie uns uf trapp haldə . Sie sagn : " Wamə nimmi sin vəsticktə alli in Dreck Na, fressn enk die Leis – naa seidə aa pal wek ." Wegə dem pass mə halt uf das sie uns noch dəhaldə bleiwə Was anərschts is a nix – selln sie uns liewə noch lang durchənand treiwə Sag mə halt – folg mə weidə – als gudər Aldər kannscht nix machə Wann lang lewə willscht als Rentnər , hascht halt nix zu lachə So is unsər Schiksal un des ist die Worheit Als Rentnə bischt vollbeschäftigt - hascht far nix kaa Zeit . |