Gesprochen von Abel Stefan |
Die RentnərNach Johann Lulay |
Ansichten von Bentschek
Kirche 
Schule 
Kirchenplatz 
Dorfansicht Mittengasse 
Kirchweihtracht 
Bauerntracht 
Hochzeitskoch 
Theatergruppe |
Wie's so om altə Rentnər geht ihr liewe Leit Will ich eich vərzehlə der hot nemlich nie ka Zeit Wenn monscht jetz hoscht entlich Ruh Kummt jedə Tach was neiəs dəzu Gəkrummlt werd mit em də ganze Tach Wascht nimmi wascht, wascht machə solscht des is a Ploch Hab erscht gsaugt hoscht schun widər Krimml uf də Erd Die Hend sin treckich , wut hinlangscht is alləs vərschmiert Dei Hemd is schun in allər Frieh vərsutlt Hockscht nur am Fernseh , mach leisər des Gətudl Des Hemd zieh aus , des paßt zum Onzug net dəzu Dei Vogl flieht fort mach dei Hossətierl zu Schau in də Spigl un tu dich a bissl richtə die Hoor mischt schneidə die kannscht schun bal flechtə. Geh wesch die Hend, bischt immər noch net balwiert. Kannscht machə wast wilscht immər werd staliert Stell in die Mikrowelle die Friehsticksmilch Semml , Lekwar un Jakobskaffee will ich Den Kaffeeleffl leg net so hin den muscht ableckə Wal uf dem Tischtuch gebts dann Fleckə. In də Kich muß ich putzə weil an allə Tierlə sin dei Fingər dron Mach dich aus də Fieß du phackscht immər alləs on. Jetz fahrscht zum Aldi ich brauch Käs , Salat un Rohm Fahr mit'm Bizikl odər kummscht zu spot Hom Kaaf joo kan Raki , Bier , Likör odər Wei Sunscht schlofscht vor'm Fernsehər ei. Geh noch zum Doktər un mach mər a Termin , awər bal Mei Cholesterin Tablettə sin leidər schun widər all. Bischt do un jetz zwər glei zack - pack Des trag in də Miel un des in də gelbə Sack Des Suppəgmies for də Beffsalat tu vərhackə Un dann gehscht nunər in də Kellər Phannəkuchə backə Kuchə missə mer ach noch machə mir kriegə Gescht. Pass blos uf un mach den Taich net zu fescht Tu alləs nei Vanilje , Zitron un a bissl Rum am Schluß Ach ə feingəmaləni Muschkatnuss Langbreslich sollər werə sieß un luck Mit om Ei kannscht nə schmierə awər net zu dick. Hoscht schun də Tisch gədeckt , Zitro un Wassər ? Warscht schun am Briefkaschtə ? Schau dort mol nei. Fahrs Auto raus mir missə zum Marktkauf um Wassər un Wei Tu die leerə Kischtə un Flaschə in's Auto nei Du stinkscht wiedər noch Knowlich hauch jo niemand oh Geb owacht beim Fahrə net so negscht am vordrə Auto droh Mei Hend sin kalt mach schnell die Heizung oh. Am Parkplatz onkummə du bleibscht do ich hol a Waa Du hoscht də Zettl schau mol was mer kaafə Ich muß an alləs denkə , sagt se , for dich a noch dəzu. Tumml dich mir missə gschwind hom - mach dei Hemədkneppl zu. Oft wenn's mər zu dumm kummt geh ich in mei Kellər Dort kann ich paschtlə was ich will , red niemand nei e himlischi Ruh. Zu Essə hawich ach , kann mər kochə , hab alləs nor ka Tellər Ess ich aus'm Raindl , Bier und Wei trink ich ach dəzu. Kumm ich noher ruf her ich se schun sagə, Die kummə die Tonn holə muschts Papier raustragə Kumm schnell zurick , Krumbeerə schälə un Fleisch kloppə. Ich muß noch schnell die fərissəni Strimp stoppə , Die wu du jetz on hoscht sin widər schepp , zieh se nuf Die Zwiwl muscht im Kellər reeschtə bissl Salz tu truf Mach alləs hinəwetər uf sunscht kummt də Gstank noch nuff. Owənds um halwə elfi is Zeit for schlofə geh'n mi'm Fernseh is jetz Schluß Reib mei Buckl ai mit Voltaren ich hab a Hexəschuß Die Knie kannscht a dei Hend sin so schun fettich Not gescht se weschə , mach des Bett net fleckich. Die Weiwər han sich gegə uns vərschworə , mir die gutə Altə Un das mər net zu faul werə wollə se uns uf Trapp haltə Sie sagə wenn mir Weiwər net werə vərstickəmə alli im Dreck Dann fressə eich die Leis un dann seid ihr bal weg. Wegə dem passə mər Weiwər uf das ihr uns erhaltə bleibt Un anerscht is ach nix sellə se uns halt durchənannər treiwə Mir hallə durch un han gern unsər altə Weiwər Mir folgə weitər als gutə Altə kannscht nix machə. Wenn lang lewə willscht als altə Rentnər hascht nix zu lachə. So is unsər Schicksal un des is die Wohrheit Als Rentər bischt vollbeschäfigt hoscht for nix ka Zeit. |